ប្រទេសម៉ាឡេស៊ីបានចាប់ផ្ដើមនូវកិច្ចសហការជាមួយប្រទេសចិនឡើងវិញ ក្រោមការដឹកនាំដោយនាយករដ្ឋមន្ត្រីម៉ាហាត់ធៀ និងជម្រុញដល់កិច្ចអនុវត្តគំនិញផ្ដួចផ្ដើមខ្សែរក្រវ៉ាត់ និងផ្លូវ ដើម្បីស្ថាបនាសេដ្ឋកិច្ចរបស់ម៉ាឡេស៊ី និងភ្ជាប់សេដ្ឋកិច្ចទៅកាន់អាស៊ានទាំងមូលតែម្ដង។ នៅក្នុងបរិបថបែបនេះដែរ រដ្ឋមន្ត្រីក្រសួងពាណិជ្ជកម្មប្រទេសម៉ាឡេស៊ី បានមើលឃើញថា អណៈតទៅមុខចាប់ពីឆ្នាំ ២០១៩ អចលនទ្រព្យរបស់ម៉ាឡេស៊ី នឹងបើកឱកាសច្រើនដល់វិនិយោគិនចិន ហូរចូលមកវិញខ្លាំងម្ដងទៀត នៃទំនាក់ទំនងល្អរវាងទីក្រុងប៉េកាំង និងទីក្រុង Putrajaya។

កាលពីចុងខែមេសាកន្លងទៅនេះ លោកនាយករដ្ឋមន្ត្រីម៉ាហាត់ធៀ បានអញ្ជើញចូលរួមកិច្ចប្រជុំកំពូល Belt and Road លើកទី ២ នៅទីក្រុងប៉េកាំង ដែលក្រសួងហិរញ្ញវត្ថុម៉ាឡេស៊ីបានចុះកិច្ចព្រមព្រៀង គម្រោង Bandar Malaysia ក្នុងរង្វង់ទឹកប្រាក់ ៣៤ ពាន់លានដុល្លារ វិនិយោគពីប្រទសចិនបន្ថែមទៀតហើយ ដោយគេត្រៀមវិនិយោគនៅលើដីទំហំ ៤៨៣ ហិចតា នៅតំបន់ក្បែរព្រលានយន្ដហោះ Besi Airport ក្នុងទីក្រុងកូឡាឡាំពួ សាងសង់ជាទីក្រុងពាណិជ្ជកម្មចម្រុះ អាចនិយាយថាជាទីក្រុងសេដ្ឋកិច្ចពិសេសបន្ទាប់ពីរដ្ឋធានីរបស់គេតែម្ដង។

ក្រៅពីគម្រោងវិនិយោគ Bandar Malaysia ខាងលើនេះ ប្រទេសម៉ាឡេស៊ី ក៏នៅមានគម្រោងអភិវឌ្ឍន៍ទីក្រុងប្រើប្រាស់រូបិយប័ណ្ណអេឡិចត្រូនិច, គម្រោងសាងសង់ផ្លូវដែក East Coast Rail Link ដែលសម្រាប់រថភ្លើងល្បឿនលឿន និងផ្លូវក្រោមដី -ល-។ លោកនាយករដ្ឋមន្ត្រីម៉ាហាត់ធៀ មានប្រសាសន៍ថា គម្រោងទាំងអស់នេះ គឺគិតគូរទៅដល់ការវិនិយោគ និងចំណងពាណិជ្ជកម្មរយៈពេលវែងជាមួយប្រទេសចិន ជាពិសេសគឺលើកម្ពស់សេដ្ឋកិច្ចម៉ាឡេស៊ីឲ្យខ្លាំងឡើង។

នេះជារឿងដែលយើងអាចយល់ឃើញស្រាប់ហើយថា ប្រទេសម៉ាឡេស៊ីជាប្រទេសចម្រុះជាតិសាសន៍ មិនប្រកាន់ពូជសាសន៍នោះទេ, ហើយប្រទេសម៉ាឡេស៊ីជាដៃគូពាណិជ្ជកម្មធំទី ២ ប្រទេសចិន (នៅអាស៊ាន), ចំណែកផ្នែកវិនិយោគអចលនទ្រព្យទូទៅវិញ ចិនបានក្លាយទៅជាអ្នកវិនិយោគធំ ម្យ៉ាងទៀតម៉ាឡេស៊ីក៏ក្លាយទៅជាប្រទេសលំដាប់ទី ៦ ដែលជាទិសដៅមានការទិញលំនៅដ្ឋានច្រើនបំផុតពីប្រទេសចិន ពិសេសគឺខុននដូ ដែលកាលពីកាលពីត្រីមាសទី១ ឆ្នាំ ២០១៩ កំណើនបានកើនដល់ ២៥៥% ធៀបជាមួយត្រីមាសទី១ ឆ្នាំ ២០១៨ ត្រឹមរយៈពេល ១ ឆ្នាំប៉ុណ្ណោះ។

នៅក្នុងឆ្នាំ ២០១៩ នេះប្រទេសចិន ក៏បានត្រៀមដាក់ម៉ាឡេស៊ីចូលជាប្រទេស MM2H (Malaysia My Second Home) របស់ខ្លួនផងដែរ មានន័យថា គេត្រៀមនឹងវិនិយោគទៅលើប្រទេសនេះខ្លាំងទីពីរ បន្ទាប់ពីប្រទេសចិនរបស់គេ ហើយក៏ចាក់ទុកវាទីផ្ទះទី ២ ដូចជាប្រទេសថៃផងដែរ ក្នុងគោលដៅឆ្នាំនេះ។